زجــــليــات

[center][b]بعرف ليالي العشق فيها دفا وبرود
وبعرف حياة المرة أسرار مليانة
بتبدا بفورة صبا وحمرة ورد ع خدود
وكفوف متل كأنها بنار شعلانة
وبتصير لمّا الصبا بيروح ما بيعود
تقعد قبال الجمر وتضل بردانة


*********
******
***
*

قبلك ما كان العشق يفرض عليي قيود
عصفور اترك عصن انقل على التاني
ضليت روح واجي ع الهيكل المرصود
حتى الكتبني ما عاد محاني


[/center]
[/b]

[center][b][color:0c80=green] بدنا نسمعها يا أبوعدنان[/color][/b]
[b][/b]
[b][color:0c80=green]مع الربابه[/color][/b]
[b][/b]
[b][color:0c80=green] مو بس كتابة[/color][/b]
[b][/b]
[b][color:0c80=green] يسلمو كتييييييييييييييييير[/color][/b][/center]

[center][b][color:0534=darkred]مشتاق فك البكل من شعرك المقصود[/color][/b]
[b][color:0534=darkred]واكمش بليل الغزل أحلام هربانة[/color][/b]
[b][color:0534=darkred]وتصير حولي الدني غمزة وخصر وزنود [/color][/b]
[b][color:0534=darkred]وعطر وحرير ودهب وكنوز شعلانة[/color][/b]
[b][/b]
[b][/b]
[b][color:0534=darkred]شكرا نينوى[/color][/b][/center]

يا شعار الموهوبين
يا دفء شهر تشرين
وينو عنتر ها لزمان
تا أسلب روحو بيومين

يا شعار المنابر
عنتر بي شعري آبر
وين الشعار الزوات
أنا بالموقع ناطر

يا ريت هالشعر يدوم
تا لاقيكم بي كل يوم
غني ودردش بالصفحات
وفرغ هالفكر الملجوم

مشتاق صورك ياصغيورة صورة بعيوني تضل محفورة
لكن الخوف ن كتر ما شوقي إليكي طال أبكي وعيوني تحرق الصورة
رحتي وتركتي القلب يتلوى وعم تاكلو النيران من جوا
ويا ريت بتعرفي يا ريت بعدك بحالي الهر شو سوى