[center][color:6a4c=blue][b][size=24] [/b][/color]
[color:6a4c=blue][b]من روائع الاقلام العراقيه الصاخبه [/b][/color]
[color:6a4c=blue][b]تفضلوا بالقرائه بلهجة اخواننا في العراق[/b][/color]
[color:6a4c=blue][b]***
**
*
صفحة من صفحات صراعي مع الحياة...الزمان 1999....المكان بغداد...اكتملت [/b][/color]
[color:6a4c=blue][b]بعد .........ربما لم تكتمل بعد...عذرا[/b][/color]
[color:6a4c=blue][b]كظيت العمر شوغات..ليليه اعله طيف اتبات
تتحلم حلم ترتاح...ماترتاح ابد هيهات
طيف يعيش ... طيف يموت
طيف يعالج من اسنين ساعه ويشبك التابوت
وين تروح؟ تمشي لياكتر ياصوب
سجين الدرب لتفوت
اس ممنوع؟
كلشي بهالوطن ممنوع
بس الموت
ولازم من تريد اتموت
وكفه وتندفن بسكوت
وراح الراح...ومات المات
وحجايه بحلك مهظوم
فات الفات
وعيونك على المامش..
على طاري الضوه امخيلات
وسنينك عمرهن ضاع..
خلصن بالدرب عثرات
واسمك بالوطن مكتوب
جندي وكل وكت مطلوب
حنيه وترافه تذوب
تركض والجدم متعوب
موكتلك يخايب توب
دومك باللعب مغلوب
وكتك مانصح وياك
لو حظك يجر مكلوب
المن ظال...شلك بالوطن شتريد
المن ظال؟
لوحمال
وهمومك يخوي اثكال
لو تلزم سره وزبال
لو تكظي العمر ترحال
ماجانت ابد عالبال
حالك توصل لهالحال
شفت من العذاب اشكال
عايش عالكلت والكال
طم روحك بعد لتكول..
انه بهالوطن انسان
يااجمل قصيده اببال ابن زيدون
ياجف الحزن يالذة الحرمان
يااخر جرح بالروح
منه وعوسج الشريان
يااخر تعال ومالكيت احضان
لاعمان اجتك من طحت للكاع
لاشالك جبل لبنان
لامدالخليج الرافكيته اسنين
لاحنت عليك ايران
ياانته شكثر ظليت؟
مثل معاجب الرعيان
لاميت والك دفان
لاتكعد والك صحبان
لامفقود..لاموجود
لالك بيت لاعنوان
مجهول الهويه تعيش..
غربه وعالمك نسيان
رايح راد
كل ساعه اعله باب تطيح
بسك عاد
تمشي وهالوطن مابيه
لاذرة ملح لازاد
ماواحد فتحلك باب
سدوهن ولا ......؟
لاكاظم فزعلك يوم
لادلشاد
خوف وجوع تصرخ ليش
وبخوخ الشمال ايفرهدالموساد
من دهوك الى ذي قار
الى كركوك الى بغداد
شفت شكد عرب واكراد
من جلاد الى جلاد
مذبوح وعليك الموت
كل ساعه بشكل ينعاد
موكتلك يخايب روح
عيشه وكلهه مامسموح
ماتنراد[/b][/color]
[color:6a4c=blue][b]مـــــــــــع حـــــــــــبي[/b][/color]
[color:6a4c=blue][b][/size][/b][/color][/center]