منوعات عتابا

[center][color:159f=blue][size=18]
قصدتي النبع يا تمَلي بْريقِك ...... بَرَقتي وكهْرَب السَّمْكي بَريقِك

وإذا نحل الدِّ ني تَغذى بريقِك ....... وَقعْ دايخ بأحضان العْشابْ


*********

سَلامي لابْعَتو بسِلك تِلفوْن ...... عيوني مْن آلبكي والنوح تِلفُون

وْمَتى يا حبابنا ع الدار تِلفون ...... لحَني الدار وحجار العتاب




**********

يا شقرا بإيدك إسقيني وسْكتي ...... لئلا يصيبنيي نوبه وسَكتي

عاصدري غمضي عيونك وسكتي ..... السكوت كتير أحلى من الجواب



*********

قالت انا عازمتك ع حفلة عامرة ...... ع شرط ما تميل عينك ع مرا

قلتلها تبقى ديارك عامرة ...... ان كنها عزيمة اكل شوفي غيرنا







إنتِ شتِلةِ الزنبق وْنا مَيْ ..... وعليّي غصنِك مفَرفَح وْنا مي

افلشي دموعي تحت ِمنك ونامي ....... حرام العطر يدلُق ع التراب


*****
انا لا خال بالدنيا ولا عم لي ....... ولا عندي قصور تغنيني ولاعمله

انا شاعر مالي شغلي ولا عملي ....... سوى رندح عتابا للحباب



*******
حبيبي اللي مَلك جيدي وقلبي ....... قلبني شي ألف قلبِه وقلبه

عطيتو للكوي تيابي وقلبي ...... كوى قلبي بدل كوي التياب



********
حبابي الدَّهِرعن عيني بَعَدْهُم ...... وْتركني إشتكي وحشِة بُعُدْهُم

وقد ما يبعدو عنّي بَعدْهم ...... حبابي وغيرهم ما لي حباب


*******
إغمِزيني بجابك بل(يسْ)بل(وي) ....... إرقصي بُرْ قص وإلوي الخصر بلوي

واذا قالوا هوى الحلوين بَلْوي ....... إبعتولي الف بلوي عَالحساب[/size][/color][/center]