صديقي الزبال............

[b]تعودت ارجع من الخمارة أنا و سكران و امشي بهل الطريق أنا و كم كلب عم يدوروا ع شي ياكلوا أنا كنت غني و الكلاب تعوي , بس لما كنت وصل تقريبا لعند غرفتي كنت استند ع حاوية زبالة لجرب أني راجع(استفرغ) أو لحتى ارتاح ما بعرف بالضبط ليش ," يمكن لأني سكران" , بس العجيب إنو ثاني يوم كنت لاقي حالي بالغرفة , يعني ما بتذكر كيف وصلت , بتذكر كل الطريق لي امشيت في إلا هالمسافة من عند الحاوية لغرفتي و كان سر بالنسبة إلي , و ما كنت اهتم كتير يعني سكران و بدي اعرف كلشي, إي مو ظابطة ,ليوم كنت طالع ع الخمارة من بعد نص الليل و كان بإيدي كيس الزبالة و بدي حطوا حد باب الغرفة (بالشارع) , و اذ شخص (زلمي كبير بالعمر) بيقلي لا اتقل بالشرب اليوم لانو قربت النهاية , عصبت و قلتوا : خليك بحالك و ريح حالك , و لأني معصب بهديك الليلة اشربت و اسكرت لحتى انطفيت و متل العادة أنا و راجع ع الغرفة و صلت لعند الحاوية و بعد كم ساعة ضرب ضو الشمس بوجهي و فقت لاقيت حالي عند الحاوية , كتير انبسطت وراحت السكرة و ارجعت ع الغرفة لي عايش فيها و تحممت و انا بالحمام تذكرت شو قلي الزلمي أو ليش حكي معي و كيف عرفني ؟
بالليل أنا و طالع ع الخمارة وقفت قدام الغرفة لشوف الزلمي , بس ما حدا مرق بالشارع , رحت ع السهرة اليومية بس هالمرة فقت من النوم و فوق راسي شي 10-15 شخص و اسمعت عم يقولوا معقول ميت ,معقول حدا قتلوا و رماه عند الحاوية , فتحت عيوني و اسالت : شو في وين أنا , انتبهوا إني شربان و سكران , وبلشت تنهال علي المسبات و الدعوات , لملمت حالي و ارجعت ع الغرفة , و اسالت حالي شو تغير كيف كنت أوصل ع الغرفة ؟؟؟ و هلق صرت بوصل لعند الحاوية و بس ؟؟ أكيد في سر مع هالزلمة , قررت أعرف مين هوي و اعملت خطة إنوا تظاهر إني سكران بهل الليلة و روح وقف عند الحاوية , بالفعل هيك اعملت و انتبهت إنو اقترب مني (ختيار) زلمي كبير بالعمر و لابس بيجامه نوم و قال : لك اخ منك انت ما تربيت من فضيحة اليوم , قلتلك لا اتقل لانو انا خلصت بس ما رديت علي , تعا استند علي لوصلك ع الغرفة , حرام أحسن ما تنام إنت و الزبالة و ماحدا إلوا نفس يلمسك , قلتلوا: و أنت ليش إلك نفس (بطريقة أنو أنا سكران و لساني ثقيل للتمويه لحتى ما ينتبه ) قلي لك أنا زبال , قلتلوا يعني انت لي كنت توصلني ع الغرفة , قلي : إنت مو سكران ؟؟ اعترفتلوا إني مو سكران و شو السبب , تنهد و قالي إنت و سكران كنت الوحيد لي تسلم علي حد الحاوية و كنت تشد ع إيدي و تنام ع كتفي أنا و عم احكيلك همومي , قاطعتوا , و قتلوا أنا كنت اعمل هيك , قلي إي يمكن إنت في بداخلك إنسان طيب بس عم اتحاول تهرب و ادمروا بالشرب ,و دّعني وراح و أنا ضليت ساكت و خجلان من حالي , و بعد فترة اسالت عنوا قالولي إنو مات , (بهل الفترة الماضية تركت الشرب) رحت زرتوا بالقبر و اعتذرت منو ليش ما اسألت عليه و قلتلوا إني تركت الشرب و بعدين رحت ع البيت لي إلوا و اذ كان عايش لحالوا مو متزوج ولا حدا مهتم فيه , انتبهت إنو في مكنسة بأحد الزوايا , كانت المكنسة لي بيشتغل فيها , اخدتها و اطلعت و هلق صارت بغرفتي جزء أساسي منها و اعرفت إنو انت يا صديقي الزبال أحسن مني بكتير , شو تمنيت أعرف شو كنت تحكيلي أنا و سكران , وأنا شو كنت رد عليك.
و حاليا أرجعت اشرب بالغرفة كل يوم كاسة لحتى قدم تحية لروحك يا صديقي لربما منجتمع بشي مكان ولو عند حاوية

موضوع: صديقك الزبال الإثنين يوليو 21, 2008 10:56 pm

عزيزي ايهاب
صديقك الزبال صديقنا جميعاً
سرني جداً دخولك المنتدى بهذه القوة
أتمنى أن تتابع حكاياتك

والحديث معك
لم ينته

عودة ممتازه ومشاركة رائعه أخي ايهاب

قرأت هذه المشاركه الرائعه في أكثر من موقع على النت ....

تحياتي لك وشكراً ولا تقطعنا بطلاتك ومشاركاتك الجميله....
_________________
كم كنت وحدك يابن امي
يابن اكثر من اب
كم كنت وحدك
القمح مر في حقول الاخرين
والماء مالح
والغيم فولاذ وهذا النجم جارح
وعليك ان تحيا وأن نحيا
وان تعطي مقابل حبة الزيتون جلدك
كم كنت وحدك

التحيات الطيبات والسلام عليك أيها {الصديق الزبال} مع
حبي

_________________

عندما تطرح الافكار المألوفه بطريقه غير مالوفه .....فحتما سيصفق لك الجميع

****************************************************************

ولا أستكين ولا أصرخ

تلدرة سامحيني

سنرجع يوما

***************************************************************

مـــــــــــــــــــــــــــــــــــــــــــــــــع حبــــــــــــــــــــــــــي

بهنيك يا اخي على هل القصة المعبرة ...
المغزى رائع جدا ً ...
يعني قلمك حكي اشيا كتيرة ...
ناطر منك اكتر من هيك...
كتاباتك حلوة كتير ..
موفق ........

موضوع: شكرا اا الخميس يوليو 31, 2008 5:29 pm

شكرا لك من قرا و علق او قرا ولم يعلق

و لكل من فتح هذه الصفحة ولو كان بالغلط

على كلن انا جميع كتاباتي موجودة على الهوم بيج الخاص فيني

على الرابط

kingjbr.page.tl

اتمنى الزيارة